مجلة آفاق الأدب ____ الكتاب الأسير ____ الشاعر محمد العليمي

الكتاب الأسير
وكأن كتابك وليدك رضيع
منتظر اهتمامك احسن يضيع
مربوط على رف بخيط حرير
فيونكه حمرا وتدليل كتير
كل يوم الصبح بدرى
 عليه تطير
تطمن عليه 
حد فك أسره وخطفه
ولا لسه على الرف 
ذليل فى تجاهله
حبة خوف على حبة
 حب وشوية حنان
لحد ما يجى نصيبه 
وحد يرأف بحاله
اكرامه فى تبادله
 واهداء لمحبين حروفه
و الوصيه اوعوا تزعلوه
 أو تذودوا خوفه
الكتاب لسه بكر فى حروفه 
لسه نبته نونو
محتاج منك عنايه
 و بيتمنى تحبه و تصونه
كل حرف داب فى سطوره 
معاناه ويا فكر
يارب فك أسره 
وخلى العيون تحبه وتاخده
وجعى كله فى حبسه برفه
 والتراب يزوره
ادعوا معايا أنه تخلص
 منه الف نسخه 
واكفر وزرى من عيونه 
لما تتفرق حروفه ف العيون 
وقتها بس هاعرف انام 
واطمن أن النونو تمام
محمد العليمى