فراشه وقنديل
سلمان عبدالله المتني
هاك الفراشه بعدها بتحوم
بلهفه عابصة نور مخنوقه
بتركض بعيد بتوقع وبتقوم
طول الوقت بتضل مسبوقه
كل الحلا بألوانها موسوم
رقيقه ونحيفة خصر ممشوقه
برفة جناحا الهايم ومغروم
بترقص على الانوار معجوقه
طعم العشق حارم عيونا النوم
انثى ومن الاحلام مسروقه
وانتا ياقنديل العمر. محموم
احلا الاماني فيك محروقه
فرصة عمر فيها اللقا معدوم
واغلب وعود الحب مسلوقه
اتركها بعد تسرقلها كم يوم
تشم الاقاحي البيض وتذوقا
بعدا بريعان. الصبا. وبتروم
تكون. لحبيب القلب معشوقه
الليل كالح شاحب. ومشؤوم
وهيي بحلا الالوان مخلوقه
وسنين فيها الروح مزهوقه
تعليقات
إرسال تعليق